ذكريات اليوم الاول بالمدرسة

[دروب]

هلو أحبابي

واحنا طبعا على بداية العام الدراسي الجديد

ازف أطيب التمنيات بالنجاح والموفقية لكل احبائي الطلبه والطالبات بمنتدانا الغالي


نريد مع بعض نتذكر اول يوم بالمدرسة يعني اول يوم بالصف الاول ابتدائي شنو سويتو من بجى ومن ضحك واكو احد انضرب لو لاء

ممكن تشاركوني بذكرياتكم الحلوه.

[مرتضى العراقي]

مشكورة دروب على موضوعك المميز ...

طبعا اول يوم بالاول الابتدائي .. ماينسه .. وهسه اني الحمد لله تخرجت وماانساه ابد ..

طبعا اول يوم داومت .. كعدت اول رحله (شمدريني) ... اجه واحد ولايجي اليوم . كال : كوووووووووووم ولك ..شو كاعد اول رحله يعني شاطر ههههههه

كتله لا والله مااعرف شيء ..بعدني ... المهم احجايه مني واحجايه منه .. اجاني اول بوككككككككس هههه
دخت !!!! وبعدين طلعت رحت لاخوي بالثاني ابتدائي ... وابن عمي بالاول بس بغير شعبه .. كلتلهم .. اجوه .. ويابه شبعوه كتل .. وكمت اني احجز بيهم .. ومن يومهه من يشوفني يسلم عليه ... ههههههه من ذاك اليوم الهل اليوم صار صديقي لانه بعد فترة من الدوام صار جيرانه ... ... ومن يذكر الطلابه يموت من الضحك هههههههه

ههه مشكوره درووووووووب بس اكلتلي علسه مرتبه ههههههه

[دروب]

هههههههههههههههههههههههههههههههههههههه

خوش بدايه مرتضى زين ما خفت من المدرسه وكرهتها

[ريتاج]

شكرا حياتي دروب وشكرا مرتضى العراقي موقف ايضحك
احجيلكم عى قصتي اول ماسجلوني بلمدرسه جنه مدرسه مختلطه فاني كنت كلش عاقله واول يوم اتحوسمت رحلتي شوف الصدددف ههههههههه من طلا ب الرابع ابتدائي فكمت ابجي اريد رحلتي فلمعلمه انقهرت عليه وكعدتني على الشباااااك ههههه وانقهرو عليه طلاب السادس لان كنت احلى وحده ههههه شكد مغروره فراحو جابولي رحله وكعدوني بيهاا وحدي بس يوميه جنطتي شابعه اتراب لان صارت عداوت البنات ايذبولياهاا بلكاع والكه لفتي مجعوصه هي والنساتل ههههههه المهم ماخلص الفصل الاول الا واحنه مشاهدين
علعموم هذا الموقف نقطه ببحر
تحياتي

[دروب]

ههههههههههههههههههههههههههه

حلوه سمسومه

ذكرياتي باليوم الاول بالمدرسه طبعا اول شي رحت للمدرسه وانا منقهره لان أصدقائي الولد مو وياي مو قبل بايام الحضانه كنا مجموعه مكونه من 5 ولد وبنتين وهم صديقتي مكانت وياي بنفس المدرسه فكنت شوي ضايجه

وطبعا أحلى شي اني بايام الحضانه كنت متعوده اسمع صوت الجرس مرتين مره الصبح يعني بداية الدوام ومره نهاية اليوم يعني يلا على البيت

فدروب الشاطره العبقريه سمعت الجرس الاول ودخلت للصف وبعد الحصه الأولى سمعت الجرس فلميت الكتب وشلت الشنطه ومع السلامه على البيت بس لقتني المشرفه وقالت لي وين حبوبه قلت لها دق الجرس بمشي قامت تضحك ورجعتني للصف

ههههههههههههههههههههههههههههه
اشكد ذكيه انا مووووووووووووووووووو

[مرتضى العراقي]

حلوه درووووووووب .. تردين درس واحد وتفلتين ... لو تسوين روحج ماتدرين بالدوام هههههههههه

سمسم ..ههههههههه بالله هاي مال الجنطه بالكاع .. واللفه انجعصت .. والكتب اتشككن .. هاي يوميه تصير .. حتى كمت جوة الدرج اكل لفتي خااااف يجون وياكلونهه مني ههههههههههه

[X-Men]

هسه دروب اول يوم بالمدرسه الابتدائيه لو بالكليه

جاوبي علمود اذا اكو وكت اجاوب

[دروب]

لا بالمدرسه اول يوم لك بعالم الدراسه اكس مان

[دروب]

ههههههههههههههههههههههههههههههههههه


مرتضى هاي شنو مدخلينك بسجن لو مدرسه

اكيد كنت حباب وهادئ والكل ياخذ اغراضك عيني عليك

انا كنت مسويه عصابه من أيام الحضانه مو بعد المدرسه

[حنين عراقيه]

اني اول يوم رحت بي للمدرسه كلش جنت فرحانه

لانو الروضه مالتي جانت يم المدرسه يفصلهه حايط فقط علمدرسه و جنت اتمني اخلص روضه و اكبر

علمود ادخل للمدرسه

فرحتي بدخولي للمدرسه مجانت تنوصف
اول يوم


امي اخذتني للمدرسه جنه واكفين يم الحايط اللي يفصل مدرستي عن الروضه اللي جنت بيهه

و صديقاتي مال روضه جانو اكثرهن ويايه بالمدرسه

و اكثرهن صارو ويايه بنفس الصف

المهم امي جانت لازمه ايدي

بعدين كتله ماما عوفيني اني بعد اعرف شلون اتصرف

بعد صرت جبيره لتخافين عليه

و كلش فرحانه جنت كتلهه راح شاطره بالمدرسه علمود اصير دكتوره

و عفت ايد امي و رحت ويا صديقاتي

و صرنه بنفس الصف اكثرنه و الحد اليوم احنه صديقات


لمن ردت ارجع ابن خالي الجبير جان منتظرني و رجعني للبيت و من وصلت للبيت شفت بيت خوالي و عماتي كلهم

بالبيت عدنه شالوني و مرت خالي كامت اتطش علي راسي جكليت و احتفلوووووووو بيه

لان اني جنت اصغر وحده تروحللمدرسه كلهم اكبر مني


ابد ماانسه هليوم

بشنوووو ذكرتيني درووووووووب

اشتاقيت البيت خوالي



و همزين خلصت مدرسه يوم اللي اخلص كليه ههههههههههههههههههههه




تحياتي يا مبددددددددددددددددددددعه

[حنين عراقيه]

هههههههههههههههههههههههههههههه
ههههههههههههههههههههههههههههههههههههههه
مرتضي كلش قصتك حلوه

اني صديقة عمررررررررررررري اتعرفت عليه همينه من خلال عركه صغيرونه بس جان اول يوم دوام بصف ثاني ابتدائي


اتعاركنه علمساحه

مساحاتنه جانت نفس الشكل بس هيه بيضه مساحتهه و اني ورديه فكتلهه مساحتي للونهه احلي و هيه كالت لا مساحتي

و اتعاركنه علي هلشغله بس بعد العركه رئسا صرنه صديقات


و هسه اكثر من خوات احنه



قصصكم ضحكتني ولله

لاننو كلهه بيهه برائة الطفوله

كلش جنه ابرياء و منفتهم شي بهل دنيا

دنيتنه جانت صغيره بس حلوه هواااااااااااااااااااااااااااااايه

ااااااااااااااااااااااه

[دروب]

ههههههههههههههههههههههههههههههههه

انشاء الله ياربي تخلصين كلية وتتخرجين وانا اطش على راسج الجكليت حبي

[ساندريلا بغداد]

http://www.alfrasha.com/up/873693259820526127.gif

[اريج الزهور]

ههههههههههههههههههه

قصصكم كلش روووووووعه

اني من دخلت اول يوم للابتدائيه كنت مستمعه يعني بعدني مو بعمر المدرسه

فرحت اني وصديقتي اللي بنفس عمري فكعدونا اول رحله

لان كلش صغار

بدت المعلمه تشرح الدار والدور واني وصديقتي منفتهم شيصير هنااااااااا

ومتعودين على اللعب والضحك ومانعرف القوانين والسكته شنو

بدينا نسولف ونضحك

المعلمه كالت كافي بناتي هذا وقت درس مو وقت سوالف سكتنا ثانيتين ورجعنا نسولف

حذرتنا من جديد وخلص الدرس الاول هيجي سوالف والمعلمه ما تكدر تعاقبنا لان الدمعه بطرف عيونه وشيخلصها من امهاتنا

اجه الدرس الثاني نفس الحاله سوالف المعلمه طكت روحها كالت كومن اوكفن يم الصبوره عقوبه

همه منعرف شنو صبوره واني جنت محتاجه اوكف لان تعبت من الكعده فتونست بالعقوبه الحلوه

وكفنا يم الصبوره وهم بدينا نسولف المعلمه صاحت الله اكبر يعني متكللي وين اوديجن الا افرقكم عن بعض

اخذت صديقتي من يمي وكمت ابجي فرضوني ورجعوها يمي

طولت القصه

وهذا اول يوم دراسي بحياتي

شكرا حبيبتي دروب على الفكره الروووووووعه

[دروب]

ههههههههههههههههههههههههههههههههههه

اروجه مبين عليج ابد متحبين الحجي موووووووووووووووو


خوش قصه والله

[محمد وحبيبته]

يا الله اجه دوري

اني اول يوم دخلت بيه للمدرسه اتعاركت ويا واحد من الطلاب اللي بصفي ظربته بالمكناسه اوطلع دم من خشمه
والولد ودو الى المستشفى واجه المدير عليه اخذني من ايدي واني امشي ويا من الخوف بلت على روحي من الخوف والله اخواني بنفس المدرسه ويايه جانو؟؟؟؟؟ كاموا يضحكون عليه واني ابجي

وشكرا على مواقفكم

وان شاء الله عجبكم الموقف

تحياتي محمد وحبيبته

[عالم عشاق القيصر]

ههههههههههههه

مشكووووووورة على الموضوع الحلو

[دروب]

يلا شباب وين ذكرياتكم ويا اليوم الاول بالمدرسه حبايبي


الظاهر لكم ذكريات ما تنكتب
انتظر جديدكم

[بسام]

اني اول يوم دخلت بيه للمدرسه بدات الاقتراحات تنهال عليه وانا طفل صغير هذه التي تقول لي لماذا شعرك طويل وهذه التي تقول لي انك ولد يجب ان تقصر شعرك وانا اول يوم ادخل مدرسه لان انا لم ادخل روضه فرجعت الى ابي وقلت له ان المدرسه تقول لي قص شعرك فابي قال لي او شنوا يعني قلته لو ما اداوم لو اداوم او انا امبقي شعري فحصلت على او رزاله من ابي والذي وقف لي في ذلك الحين او اتمنى له الحياه السعيده دكتور منذر احمد زكي صديق والدي فقال له لماذا تصرخ في وجه ابنك فهوا الذي يريد الاحتفاض بشعره او المدرسه ليس لها دخل فذهبت انا وابي في اليوم الاخر للمدرسه وانا مسرور لان راح تترزل المدرسه فان ابي قال لها لا تتحدثين عن شعر بسام لان انا الذي لا اريد ان اقصه .................................................. .................................بس حرامات موخوش رزاله للمدرسه

[ساندي]

http://www.e4up.com/en/uploads/7bddc9acb7.bmp (http://www.e4up.com/)

شكرا يا دروب الحبيبة على هذا الموضوع الجميل مثلك..
بالنسبة لي اتذكر اول ايام رحت فيها للروضة كنت احب العب
مثلما يلعبون الاطفال ولكني كنت اخاف اصعد الزحليكة والمرجوحة
وبقيت بس انظر اليهم شلون يلعبون فكان اكو سياج للملاعيب
ودق الجرس حتى نرجع للصفوف كلهم قفزوا من السياج وفرغت
الساحة وبقيت انا وحدي فيها لااستطيع ان اقفز من على السياج
وبكيت بكاء شديد وسمعت المعلمة بكائي فقامت بالاسراع الي
ورفعي من فوق السياج ..
كنت دائما انظر للكل ولااتكلم واكعد عاقلة واصفن عليهم
فخلوني مراقبة تصوري عليهم وانا في الروضة يعني انفع مراقبة
الان بالمنتدى عليكم هههههههههههههههههههههههههههههه..

[ليـــ كل ما يلمع ذهب ـــس]

مشكووووره على الموضوع
واني صديقي المقرب تعرفت عليه بعركه لان اخذ كراستي واني ما ادري

[دروب]

بسام يعني انت هسه زعلان لان المدرسه مترزل خوش مووووووووو

الله يساعدها عليك

انا لو منها انا قصيت شعرك على الزيرو وجعتك البيت ههههههههههههههههههه




حبيبتي ساندي طول عمرج هادئة لكن حضورج مميز وقصتج معناها انج مراقبة منذ نعومة أظافرج

اشكركم حبايبي على المرور وانشاء الله نشوف ذكريات أحلى وأحلى

[لازوردي بغداد]

شكرا دروب علموضوع
اني اول يوم بلمدرسه ضليت كاعده بلصف اخاف وبلدرس الاخير جنت كاعده بلصف والمعلمه ملتهيه بلشرح وجان اتصيحني اختي المطفيه ولميت كتبي وطعت بدون مااكول للمعلمه وجانت واكفه يم الباب ودزت عليه كلتلي حبيتي انتي بصف اشلون تعفينه فظحكت من الفشله ورجعت ههههههههههههههه
تحياتي

[Marwan Albaghdady]

ههههههههههههههههههههه

مشكورة اختي دروب على الموضوع الرائع

بس اني الحمد لله مصار شيء الحمد لله يعني ماكو عركة ولا شيء :36_1_11[1

تحياتي :0058:

[دروب]

هههههههههههههههههههههههه

يسلمو على المرور لازردي

مروان ماشي ملازم عركات بس على الاقل نعرف شنو سويت

شكلك بجيت بجي وتعلقت بالماما متريد تدخل مووووووووووووووو